Top 5 Hindi Poem Of All Time

Top 5 Hindi Poem Of All Time For Children

Poetry is one of the most beautiful arts gifted by god.

I am here for you guys with the top 5 Hindi poems of all time. Hope you will like all these poems. Also, these poems are closest to my heart.

1.)"Aaj Teri Yaad Aa Rahi Hai" -: First Hindi Poetry.

Vo lamhe bade haseen the,

Jab hum dono kareeb the, 

Haathon mein lekar haath tera, 

Kya khoob mere naseeb the......

 

Tujhe lehja mera qabool tha, 

Mera jhagadna tak tujhe qabool tha, 

Hum saath rahe ye khwahish thi, 

Har khwaab mera fizool tha.... 

 

Tera hasne mein jo jannat thi, 

Bas uska deedar hi rehta tha, 

Tujhe paana bs ik mannat thi, 

Har khyaal zehn ka kehta tha.... 

 

Teri tasveer aaj bhi paas hai mere, 

Tere bol aaj bhi khaas hai mere, 

Tere liye ye ishq shayad kuch nhi tha,

Tere liye wahi ehsaas hai mere..... 

 

Aaj yaad tujhe mai kr rha hu,

Ek dafa mera naam le, 

Tu todd gayi hai dil mera, 

Apne sirr ilzaam le...

 

Haan aaj teri yaad aa rhi hai,

Na jane kyu iss dil ko mere tadpaa rahi hai, 

Haan shayad aaj teri yaad aa rhi hai.... 

2.)"Zindagi Se Narazgi"-: Second Hindi Poetry

Hum zindagi se or zindagi humse kuch yu naraaz hai, 

Jaise aasman mein chaand taaro ka aagaz hai, 

Dil kehta hai uss shaks ko tu bhool ja, 

Warna wahi taqdeer bigadega jo dil ke sabse paas hai.... 

Hum zindagi se orr zindagi humss kuch yu naraaz hai.... 

In behti fizaon ki jo awaaz sunayi deti hai,

Jaise teri pazeb ki khanak sunayi deti hai,

Mai dhadkano ko teri tere dil se chura lau, 

Magar tere dil mein meri vo tasveer dikhayi deti hai... 

Ye silsila jo chal rha hai khubsurat hai, 

Dil to kehta hai iss silsile ko yahi thaam lu, 

Log karte hai ibaadat khuda ki,

Mai har namaaz mein yaara bas tera naam lu..

Iss dil-lagi ka haal ab kaise bayaan karein, 

Apne dil ko kya ab hum khud hi jawaan karein, 

Bhut mushkil se zindagi mein aaye ho humari, 

Orr tum chahte ho ki tumhe inhi haatho se ravaan karein.... 

Ik Guzarish hai tumse poori kar dena, 

Ye doori humari adhoori kar dena, 

Mai roo-barooh hu yaara nawazish se teri, 

Apni mojudagi se zindagi poori kardena......

3.)"Barishein"-: Third Hindi Poem

Barishon se mohabbat humari kaise bayaan karein, 

Jisne cheen liya humsafar mera un hawaaon ke saath🙂

Main dhoondta raha un boondo mein usko, 

Le udd gaya vo baadal usey unn fizaon ke saath....

Ye gun gunaate se nagmein hai,

Jo labon pe mere aaj kal, 

Ye meri mohabbat ke sadme hai, 

Jo unki yaad se hain aaj kal,

Dil bhool gaya hai usko ispe kaise aitbaar karu,

Din raat jo yaad aatein hai khwaab unke aaj kal.. 

Iss aashiqui se vaasta mai chord dunga yaaro, 

Jhoothe khwabon ka aasman bhi tod dunga yaaro, 

Ye bewafayi ki hawa jo zamane ne mujh pe ki hai, 

Ye barishon samet wapis mod dunnga yaaro... 

Aaj manzar hai zindagi ka unke bagair kya karein, 

Ye mausam hi behaal itna pair kya karein, 

Doob jau to sambhaal lena mujhe girne mat dena, 

Gadhe agar sadkon pe ho pushtani mehal kya karein....

Bs akhir mein guzarish bs itni si baaki hai, 

Meri kalam mere lafzon ki ek khoobsurat saaki hai, 

In baarishon mein aksar main bheegh jaaya karta tha, 

Ye dekhte ki khuli ho shayad uske kamre ki jo taaki hai....

4.)"School Love Story"-: Fourth Hindi Poem

Hum-umar se the hum uss umar mein jab aapse mulakaat hui, 

Roz nahi magar kabhi kabhi apse iss dil ki baat hui, 

Aapki muskurahat iss dil pe kuch yu chaane lagi, 

Itni thand mein jaise patiyon par oss ki boonde aane lagi, 

Aankhon hi aankhon mein haal poochna, 

Wahi roz wala sawaal poochna, 

Kaisa raha aapka din, 

Orr humara fir dobara unka haal poochna, 

Kuch lamhe un dino ke mera din sanwaar dete the, 

Unse haath milakar hum bhi apna pyaar jata dete the....

Kuch pal baat hoti thi ghar ki orr jaate huye, 

Sara waqt nikal jaata tha apne halaat samjhate huye, 

Jee to karta tha ki ghar thoda door ho jaye,

Orr thodi baat krne ke liye hum dono majboor ho jaye... 

Raat hote hi vo saari baatein yaad karna, 

Unki adaao par mera yu roz roz marna, 

Deta tha ishare hume ishq ke uss waqt, 

Par izhhaar na karte unki dosti tootne se darna... 

5.) "I am Sorry"-: Fifth Hindi Poem

Sorry..  Kya lafz hai na ye

Ek pal mein tod bhi sakta hai, 

Or ek pal mein jod bhi sakta hai.... 

Hume shayad kabhi samajh hi nahi aaya ki isey istemaal kaha karna hai.... 

So aaj iss sorry ke upar izhaar karte hai... 

Uss mod par zindagi ke tu chali gayi,  

Chord kar adhoora iss shayar ko,

Han tu chali gayi... 

Mai dhoondta raha uss mohabbat ko apni,

Jo zindagi ke andhere mein kahi kho gayi thi, 

In sitaaron ke beech uss chaand ke paas, 

Apni yaadon ko aasman mein piro gayi thi.... 

Jhootha tha saara uski mohabbat ka dikhawa, 

Mai kya krta usey dhoondne le alawa, 

Choone se uske thehr jaata tha mai, 

Orr kya karta mai usey mohabbbat ke alawa... 

Meri umeedon ka sankal bikhar sa gaya tha, 

Mai pirone laga tha jab zindagi mein usko, 

Manzoor na tha khuda ko ye shayad, 

Jo jaan ne laga tha mai kareeb se usko... 

Vo din aaya jab kismat mein judaayi likhi thi, 

Meri mohabbat ki qismat mei duhayi likhi thi,

Bas maafi ka ikraar vo kar gayi uss din, 

Jiss din meru zindagi se uski rihayi likhi thi....